拎上手好大個，用料紮實！麵包係有用牛油煎香過，麵包係比較厚實嘅感覺，有牛肉生菜蕃茄洋蔥，牛肉煎五成熟，口感係比較紮實彈牙嘅，藍芝士醬汁去鹹鹹酸酸好得意，食落好似腐乳，蔬菜份量都好足！
🍔辣汁嫩雞漢堡 $96 (7/10)
雞肉都好厚實，唔會太乾，個醬汁辣辣地好開胃，微辣真係好輕鬆食到，用咗酸瓜同生菜，幾fresh。
🍟芝士汁薯條 $12 (6/10)
炸得好酥脆，食落去係好香口嗰一種，芝士醬汁係比較鹹香！食多兩條感覺係比較油膩同埋熱氣！
🥗沙律 (7/10)
用咗柚子汁，係純生菜加切碎咗嘅蕃茄！正常！
推薦指數: 7/10
所有嘢都係有誠意咁製作嘅，個人覺得藍芝士唔係個個人接受到叫返傳統醬汁應該比較好啲！
