劉記海鮮飯店

Open Now

Now Closed

星期六睇完戲，突然想衝出 APM，發掘觀塘平靚正食點，漫無目的走至裕民坊，一直向聯合醫院方向進發，路經瑞和街街市，逐決定到瑞和街街市熟食中心的劉記海鮮飯店來個觀塘大檔之夜!時間尚早，伙記們仍正在食晚飯，唯有趁機睇睇真人版小丸子，一邊慨嘆女神酒井法子的媽媽造型，一邊想想菜單，一行四人最後點了椒鹽鮮魷、大馬站煲、西檸豬扒、椒絲腐乳通菜，連埋三個靚仔，一罐可樂，埋單 $190 椒鹽鮮魷，賣相不俗，薄薄一層炸粉，味道咸中帶點辣，恰到好處；大馬站煲，細問下才得知是火腩豆腐煲，南乳加上豆腐，絕對開胃，唯火腩份量較少質素亦只是平平；西檸豬扒，賣相味道皆一般，沒留下深刻印象，始終西檸汁的最佳拍檔是雞吧，豬扒相比下總是不夠嫩滑；椒絲腐乳通菜，通菜新鮮，味道再濃一點會更好!由於身處熟食中心，劉記的衛生環境絕對見得人，記得盡量坐離爐頭位，否則炒菜聲此起彼落，會破壞了同友人吹水的心情。蠻喜歡到大檔食飯的感覺，鑊氣足，環境開揚，消費經濟，如平時能相約幾位老友，一邊食煲仔，一邊對對啤，真的是一件樂事