今次點咗兩set定食，超多款日式小菜，款款都夠晒用心，選擇困難症發作啦🤣
每set可以自選4款冷菜+熱菜，配埋白飯+餐湯+飲品，有啲種類需要另外加錢
必食推薦！左口魚秋葵伴柚子醋櫻花蝦
入口滿滿魚油香，柚子醋酸咪咪夠曬清新
必食推薦二！和風黑松露烏賊堡
墨魚粒彈牙，咬落黑松露香氣夠濃夠juicy，仲有粟米粒甜甜地好好味！
自製焦糖味噌煎厚切豬腩，焦香裹住軟糯油脂，味噌鹹香襯到個甜好順口🤤
大阪燒汁鴨胸嫩到切開有汁，京蔥脆甜解膩👍🏻
雞皮餃子配香草檸檬腐乳醬，脆卜卜外皮蘸輕酸醬，鹹香夠特別～✨
限定法式藍莓鴨胸，藍莓醬甜潤唔搶味，鴨胸嫩得嚟帶少少焦香😋
自家製溫泉蛋配飯冇得輸👍🏻
沙律菜配百香果柚子汁，酸咪咪好開胃～🥗
飯加咗日本蛋+櫻花蝦，輕輕火炙過，蛋香混住蝦鮮，撈埋飯簡直停唔到口！
飲品揀咗檸檬柚子蝶豆花梳打，清爽帶陣花香，解膩一流～🍹
小店擺盤夠晒細心，觀塘搵食又多個好地方，建議早啲嚟唔洗等位～🙈
