榮哥廚房私房菜

Open Now

Now Closed

觀塘不嬲都好多嘢食，連工廠區都係咁多，又有觀塘嘅私房菜推介，今次係食中餐嘅私房菜。雖然餐廳位置有少少偏僻，工廈個感覺又有少少舊舊地，不過入到去餐廳，裝修感覺又幾好，又夠光猛，同工廠大廈嘅環境完全唔同。-今次就食咗佢哋嘅四人套餐，前菜有有機沙律菜配芝麻醬、涼拌鮑魚菇、涼拌木耳，仲有茶燻流心蛋伴黑魚子醬配厚燒茄子。特別要推介呢個厚燒茄子！上面嘅流心蛋茶燻嘅香味濃郁，魚子醬加上佢嘅醬汁，配埋茄子嚟食，真係好開胃。-食完前菜，梗係要飲返個燉湯啦，今次我就揀咗川貝陳皮海底椰鱷魚肉湯。材料非常豐富，入邊真係有大大嚿嘅鱷魚肉。川貝、陳皮加上海底椰，成個感覺好潤喉有潤肺。-蝦肉好新鮮，有落好爽口彈牙，同埋好鮮甜。水芙蓉即係蒸水蛋，加上上面有一層薄嘅玻璃芡。水蛋好滑，蛋味唔算好耐，上面有幾粒杞子，可以話係畫龍點睛，入口好甜好好味。蝦球水芙蓉-一想到枱已經聞到好香嘅陳皮味。肉嘅外皮烤到有少少微焦，入口好香口。陳皮味好濃郁，咬落喺口腔味蕾中爆發，整得非常出色。遠年新會陳皮骨-魚湯非常鮮甜，侍應哥哥話係用咗大量嘅蝦仔同埋魚仔黎煲，食得出真係落足料去報，海鮮味道非常濃郁。配埋豆苗黎食真係絕配。鮮魚湯浸碧綠溫室豆