Video
Read full review
2023-12-11
21 views
觀塘午餐日本定食觀塘工業區又開咗間新日式餐廳, 呢間位於巧明街迅達工業大廈嘅神木日本料理, 主打日式燒肉同壽司刺身, 而且性價比好高, 午市免收加一, 外賣自取仲有9折。觀塘午餐日本定食觀塘午餐日本定食係餐廳門口已經感受到好濃厚嘅日式風味, 日本竹葉, 寫滿日文字嘅牆紙, 入到去見到枱上有平時韓燒好常見到嘅懸垂式抽煙機, 最重要喺佢哋設有露天平台, 放工後係度食完飯, 係平台位置食下野飲下酒都幾舒服。餐廳中午提供午市定食套餐, 有唔同嘅壽司, 丼飯同拉麵, 價錢由$68到$228不等, 每個定食都包前菜, 沙律, 麵豉湯, 仲可加配飲品。夜晚就主打燒肉, 當然唔少得佢哋嘅刺身拼盤啦。輕量版美國極上牛柳鐵板 (120g) - $90午市定食已包飯素白飯, 沙律, 餐湯, 係鐵板燒定食; 上枱時仲聽到鐵板熱辣辣啲喳喳聲, 牛柳大塊厚身, 牛肉質嫩, 入口好腍好多肉汁, 牛味濃郁, 食到最後仍然保持溫度。配菜仲有燒紅蘿蔔, 翠玉瓜, 冬菇, 洋蔥, 加上七味粉 煎至微微嘅焦香, 味道清爽之餘又夠惹味, 鐘意濃味啲, 仲可淋上燒汁一齊食; 定食係配埋沙律, 飯素白飯, 麵豉湯, 湯裏面有昆布,
觀塘工業區又開咗間新日式餐廳, 呢間位於巧明街迅達工業大廈嘅神木日本料理, 主打日式燒肉同壽司刺身, 而且性價比好高, 午市免收加一, 外賣自取仲有9折。
觀塘午餐日本定食觀塘午餐日本定食係餐廳門口已經感受到好濃厚嘅日式風味, 日本竹葉, 寫滿日文字嘅牆紙, 入到去見到枱上有平時韓燒好常見到嘅懸垂式抽煙機, 最重要喺佢哋設有露天平台, 放工後係度食完飯, 係平台位置食下野飲下酒都幾舒服。
餐廳中午提供午市定食套餐, 有唔同嘅壽司, 丼飯同拉麵, 價錢由$68到$228不等, 每個定食都包前菜, 沙律, 麵豉湯, 仲可加配飲品。夜晚就主打燒肉, 當然唔少得佢哋嘅刺身拼盤啦。
輕量版美國極上牛柳鐵板 (120g) - $90
午市定食已包飯素白飯, 沙律, 餐湯, 係鐵板燒定食; 上枱時仲聽到鐵板熱辣辣啲喳喳聲, 牛柳大塊厚身, 牛肉質嫩, 入口好腍好多肉汁, 牛味濃郁, 食到最後仍然保持溫度。配菜仲有燒紅蘿蔔, 翠玉瓜, 冬菇, 洋蔥, 加上七味粉 煎至微微嘅焦香, 味道清爽之餘又夠惹味, 鐘意濃味啲, 仲可淋上燒汁一齊食; 定食係配埋沙律, 飯素白飯, 麵豉湯, 湯裏面有昆布, 味道唔會過鹹, 好飲呀!
特選壽司定食配烏冬 - $98
想食壽司, 同時又想𠽌碗烏冬, 呢款定食就啱晒; 壽司數目已不少, 對女士來說絕對足夠, 定食有麵豉湯, 茶碗蒸, 是日小食和大大嘅一碗烏冬, 卻只售$98，價格相當大眾化; 壽司有八款: 赤蝦, 鯛魚, 三文魚, 白身魚, 吞拿魚蓉, 赤貝, 卷物, 全部用料新鮮; 鯛魚, 赤蝦肉質緊實, 彈牙, 白身魚味道清爽, 鮮甜, 吞拿魚蓉質感軟綿, 有脂香味, 赤貝外層爽脆, 肉質嫩滑, 壽司飯同刺身嘅比例剛剛好, 夾嘅時候飯質唔會散開; 烏冬都幾煙韌, 有咬口, 我好鐘意個烏冬呀! 茶碗蒸滑溜, 蛋味十足。兩個定食都幾有驚喜, 好大滿足呀!
Post
