齊柏林熱狗店 (寶峰大廈) (Closed)

鍾意食快餐或者係熱狗應該對呢個店鋪一啲都唔陌生，因為呢幾年齊柏林都keep住有開分店，由荃灣區已經開到港島區，九龍區，同新界區；分店數目超過30間。是日OT要搵啲快靚正食物我就叫咗佢哋响觀塘分店嘅熱狗，薯條，同粟米。澳式風情熱狗🔺 呢個熱狗係我食開同最鍾意食嘅一款口味，個包烘得外脆內軟加埋條juicy腸仲有煙肉，菠蘿，同烤到濃濃地嘅芝士鋪面。呢個熱狗絕對係高分之作。大薯條+CHOK CHOK粉🔺 以前食CHOK CHOK粉就只可以搵連鎖快餐店，但其實早響幾個月齊柏林熱狗店已經開始供應CHOK CHOK薯條粉；而且仲有4款調味粉：包括芥末紫菜、椒鹽、麻辣、蕃茄味其實可以試晒4隻味我就一定會試晒所有味道因為好得意，但如果只可以揀一樣我一定揀芥末紫菜味! 可能因為細細個就鍾意紫菜，但呢個嘅紫菜撈咗少少芥末變得更加香同惹味！牛油粟米杯🔺呢款係我每次去齊柏林都會要嘅食物之一，除咗有益又飽肚；而且只係賣$10杯。由order到拎食物只係少過10分鐘就完成，想食快餐之餘又好味齊柏林熱狗店一定係入圍之選。