雞駅花膠雞米線專門店

呢間雞駅主打花膠雞湯米線近日成為觀塘區大熱小店，已經開到第三間。佢哋嘅湯底濃而不膩，飲完唔會口渴，感覺用料幾實在。

胡椒豬肚湯米線湯頭在雞湯上再添一層胡椒辛香，入口先甜後辣，暖胃感好強。豬肚份量充足，炆得軟腍。

藥膳花膠雞米線藥材味明顯，帶黃酒香，湯底甘甜順喉，飲落有似家常老火湯的感覺。花膠厚身軟糯，雞件嫩滑又夠大件。

椒鹽粟米外層酥脆、內裡仍保持粟米多汁甜味，趁熱食特別香口。

麻藥蛋入味而不過鹹，蛋黃呈半凝固質地，帶少許藥材與醬香，用來配湯或白米線都幾夾。