老公唔係觀塘返工，早左小小入座等佢，叫左個青口（煙肉汁），等佢黎到可以食住叫菜！
食落都知道係活青口，非常鮮甜，配埋白酒煙肉汁，加埋個法包好正，最後唔夠喉拎埋前菜麵包一齊dip汁食🤣最後決定叫左個晚市套餐
跟住兩款前菜，分別係鯷魚茄子蓉多士同埋風乾火腿肉拼盤。第一次試鯷魚多士配茄子，食法特別，但其實唔算太食得出茄子味，不過採用既鯷魚似乎都好高質，入口充滿魚香，連同超脆法包，好好食！
24個月既巴馬火腿，油脂豐富，都好唔錯！
而今日精選餐湯係蔬菜蕃茄湯，又係誠意之作，剛好清一清味蕾迎接主菜
餐湯係好多蔬菜既蕃茄湯，好飲！
主菜部份叫咗蒜香蜆肉意粉同埋龍蝦意粉，呢度嘅手做意粉真係不錯，軟硬顏色，而且食材非常新鮮。蜆肉隻隻都食得出海水味，完全不用多加調味料，蜆肉汁完美咁同意粉融合埋一齊！
龍蝦意粉亦都非常驚喜，超級多膏，龍蝦汁調校得非常出色，每啖都充滿着蝦嘅鮮味，龍蝦肉質非常彈牙，一試難忘！
最後on top加咗百香果奶凍同提拉米蘇,估唔到呢度甜品都咁出色，甜品真係必點，百香果奶凍奶味極濃，配上百香果醬，簡直係天作之合！超級喜歡！有機會都會特登黎食！
而提拉米蘇亦都非常好食，d cream打到好綿，不會死甜，配上咖啡黎完結呢一餐真係好滿足！
