House FiftyEight

Open Now

Now Closed

係觀塘區收工，係時候同朋友一齊去鬆一鬆。我哋今次去咗House FiftyEight，係一間樓上西餐廳兼酒吧，餐廳座位寬敞，環境舒適，設有露天雅座，仲有娛樂區，有飛鏢機、足球機等娛樂設施，呢度真係上班族放鬆嘅去處。同埋餐廳係一間寵物友善餐廳，仲可帶埋寵物一齊嚟進餐。煙三文魚海藻沙律海藻沙律味道非常清爽和爽口，調味料後與煙三文魚一起吃，口感更加豐富，有層次感！香煎法國鵝肝一碟兩件法國鵝肝多士，擺盤十分精美！香氣十足嘅鵝肝，質地厚身，入口細膩柔滑。底下嘅多士超香口，吸晒煎鵝肝嘅油分！露荀軟殼蟹忌廉意大利飯軟殼蟹炸至金黃色，香脆可口！忌廉意大利飯奶油香味十足，每一口都充滿了米粒的香味與奶滑的口感！味噌煮和牛面頰十分有賣相嘅菜式，牛面頰燉煮後，肉質非常軟腍，味道特別濃郁，質感很不錯！香煎盲曹魚柳配南瓜蕃茄汁非常精緻，甜甜的南瓜蕃茄汁，係自家調製的醬汁，顏色吸引。香煎帶子鮮甜彈牙，盲曹魚柳外皮香脆，魚肉嫩滑多汁。與南瓜蕃茄汁，味道非常有層次感 ！