東喜茶 (Closed)

夜晚收咗工，見口渴，喺尖沙咀周圍搵吓野飲！經過iSquare，附近有東喜茶未關門，所以就幫襯下～之前有飲過旺角嗰間，飲芝士桂花烏龍，覺得幾清新同埋茶濃！今次就試咗芝士四季春價錢方面，一般，不過呢期茶類飲品甚多，都幾高質，所以開始覺得有少少貴！店舖服務都幾快，可能冇人排隊，所以即刻整俾我， 1分鐘都唔使就拎得！佢嘅芝士比例係大概4分之1, 唔算好多芝士～ 我嘗試傾斜45度飲，不過杯嘅設計令我好難飲到茶，淨係飲到芝士，所以我決定用飲管算～ 佢嘅四季春唔係想像中果隻味～ 唔算濃，所以好淡茶味，又唔算好清～ 配合芝士唔係整得好夾 所以覺得自己有少少揀錯咗～ 都係芝士桂花烏龍比較好味