春天拉麵小籠飽 (Closed)

落筆寫食評前發現呢度有十多個「喊面」食評，食完之後，又覺得一點不差喎。新一年，新開始。年年元旦日都會同一班玩運動的朋友晨早去活動。玩完都不過是兩點幾，去呢頭join 埋shopping緊的太座，齊齊去食飯。路經此店，發現無人排隊，就入來試試。入來的時候卡位全滿，阿姐招呼住我們坐下先，一有卡位就立即幫我們轉檯，完全不用我提，除此之外，反應又快，要了兩杯滾水吃藥也一叫即到，服務態度好好。呢度都係同幾間新式「京川滬」一樣，裝修不錯，餐單也都大同小異。有多種套餐，因為晚上會寺吃豬骨窩邊爐，所以都是吃碗麵就算。叫了上海排骨拉麵及五香牛肉湯年糕，生煎包及小籠包各一客。炸排骨與拉麵分上，排骨炸得麻麻，太薄身又偏韌，亦嫌不夠熱。拉麵見師傅在廚房拉緊，應該是店內手拉的。幾爽身，也不錯，當然比一般行貨多點誠意分；湯年糕也煙韌軟熟，五香牛肉是牛的部份，炆得幾入味亦有咬口而不韌，味道不錯，但當然不能與毓民及大婆的相比；生煎包一客四隻，煎得略油膩，但底脆肉餡味道不差，也有水準，食得過；小籠包同樣是一客四隻，皮薄，肉汁不太多但也不要緊，肉餡好味就得了，這裡的也不錯，與生煎包同屬食得過的點心。因為叫了三個餐，所以有