🍽️黑門令蟹味噌甲羅烘
呢道菜係招牌，蟹膏超濃郁香醇，混埋海膽、蟹肉、蟹籽同鵪鶉蛋🥚，味道層次豐富，配埋脆脆嘅紫菜餅乾，一啖落去鮮味爆發，食到停唔到口！
🍽️黑門鮭魚熔岩活火山
造型勁吸睛，三文魚砌成火山形🗻頂部有吞拿魚蓉同蟹籽，噴埋金粉超打卡！內裡藏住壽司小卷同流心蛋黃，醬汁調得啱啱好，口感juicy又多層次，新鮮三文魚入口即溶，絕對係視覺同味覺雙享受🤩
🍽️（午）刺身定食
午市限定，刺身切得厚實，新鮮度一流👍🏻有不同魚生種類，配埋麵豉湯（加咗鮮蝦同蜆，湯底鮮甜有層次），仲有茶碗蒸同沙律做配菜，份量足夠飽肚，食得出食材直運日本嘅質素
🍽️極上大漁貝燒
貝肉大隻彈牙，燒得香脆外層，內裡juicy，配埋牛油蒜蓉醬，鮮味突出，簡單但突出咗海鮮嘅原汁原味，係海鮮控必試，食完仲想encore！
整體嚟講呢餐食得好滿足，海鮮新鮮、創意菜夠玩味，人均大概$200左右，好抵食！
