鳴虎 (Moved) New Location

今日去咗試寶琳新都城三期嘅鳴虎拉麵。舖頭細細，鳴虎嘅服務員好有禮貌；咁啱聽到隔籬枱點錯咗第二款拉麵嘅湯底，服務員都照樣幫佢換過另一碗，態度好好。嘢食方面，我哋兩個人各自叫咗個拉麵套餐（拉麵+嘢飲+一個小食）另加一款小食。拉麵嘅叉燒夠爽，蛋夠溏心，麵嘅硬度都可以自己選擇。鳴海老湯底真心正，好香濃嘅蝦味同鮮味。其實湯底嘅濃度可以omakase，由店長幫你決定，好得意嘅idea，係選擇困難症患者嘅救星。小食方面亦都有驚喜。肉餃子夠熱夠鮮；雞翼夠脆夠辣；魚餅夠芝夠𡁻口（值得一讚嘅係個魚餅有好香嘅魚味）