點心到 (廟街)

Open Now

Now Closed

今晚又去廟街搵好嘢食，呢間點心位於橫街裏面，雖然唔容易發現，但係有好多街坊食客都坐滿晒，好好生意。我諗原因主要係呢一度嘅價錢非常之親民，大部份點心都係20至30蚊，就算我哋叫咗七八個點心都係百幾蚊，超級抵玩！首先要推介嘅就係芋泥包，喺其他點心舖比較罕有，趁熱食真係超正，個包好軟糯同入邊個芋泥好夾🫶🏻呢度蝦餃同燒賣都可以揀兩粒份量，就算兩個人嚟食都可以叫～另外呢個銀絲蘿白腸都好正❤️好邪惡入面係油炸嘅絲網，包住蘿白絲，好甜好香口。另外仲叫咗蘿蔔糕、鳳爪同春卷～全部都好抵食，難怪咁多街坊客都支持！呢到8點後先會鬆動少人啲，可以就返時間過去食🫶🏻