親戚來港旅遊，我地特意挑選咗喜記避風塘炒辣蟹，本身同屋企人都食過幾次，值得回訪。對旅客嚟講，環境溫馨，掛滿紅燈籠，還有活蹦亂跳的海鮮缸。 今次點了幾道經典菜式，食完真係滿足到喊！
⭐喜記招牌避風塘炒辣蟹
蟹腳肥美，仲會有人嚟幫手拍蟹腳~ 佢哋唔用麵包糠 全部都係金蒜！裹滿惹味的蒜蓉辣椒，啖啖肉汁，食完手都要舔一舔！🦀 配住白飯真係絕配！
⭐椒鹽九肚魚
外脆內嫩，椒鹽香脆得來唔太鹹，咬落去魚肉鮮甜，每次都一定會嗌呢款！
⭐椒鹽瀨尿蝦
親戚話要食皮皮蝦，search咗先知原來係瀨尿蝦🤣 即刻order！蝦身炸得金黃，外層裹滿香口椒鹽，蝦肉彈牙得來帶點微辣，食落超開胃！🔥
⭐避風塘炒牛河
寬滑的牛河炒得入味，配上蒜香脆粒同蔥絲，味道層次豐富，份量夠晒一大家人分享。
我哋食過先帶親戚過嚟食，佢哋都讚菜式新鮮美味，服務員態度友善，價錢合理，適合一班人聚餐。
