Video
Read full review
2016-11-27
352 views
親愛既媽媽生日又到啦！為左近爸爸收工，我地book左係荃灣食放題，大鴻輝中心以前叫英皇娛樂廣場，個時已經夠晒多野食，我地book左7:30，超超超級多人排隊等lift！好彩細佬話電梯可上到3樓，直上！唔使排∼餐廳超級大呀 全層都係，店員好快手快腳，好位就有位坐啦！先order左一堆食物，我同細佬就衝出去自助吧度睇下有咩食啦∼有飲品，汽水，熱茶，沙律，水果，甜品任揀！正呀！先攞左啲甜品打頭陣，一口泡芙入面充滿雲呢拿，一咬好似爆出黎咁！仲有好少見既和果子，我最中意櫻餅和果子，呢個質地唔似一般和果子，係用糯米整架，入面有d豆沙，食落好黏口，好有口感，好煙靭！主菜黎啦，計過數由落單到等到都係等左7分鐘！無他的，因為呢度有超大個廚房！我眼見都成10個壽司師傅係度！我中意呢度啲油甘魚，好香可的甘味，係魚油味！賣相色澤又靚，邊位係血紅色架！另外呢度有種特別既刺身，章紅魚薄必伴柚子酢，章紅魚本身無乜味，但係加左柚子就精彩左好多！廚師的確切到好薄，柚子味就吸收晒，增加左章紅魚既味道，係清新既柚子味，難怪要分開放∼壽司都係一般放題啲壽司，蔥花吞拿魚腩海膽我比較中意，海膽同吞拿魚各司其職，大家都唔會搶大家既
餐廳超級大呀 全層都係，店員好快手快腳，好位就有位坐啦！先order左一堆食物，我同細佬就衝出去自助吧度睇下有咩食啦∼有飲品，汽水，熱茶，沙律，水果，甜品任揀！正呀！先攞左啲甜品打頭陣，一口泡芙入面充滿雲呢拿，一咬好似爆出黎咁！仲有好少見既和果子，我最中意櫻餅和果子，呢個質地唔似一般和果子，係用糯米整架，入面有d豆沙，食落好黏口，好有口感，好煙靭！
主菜黎啦，計過數由落單到等到都係等左7分鐘！無他的，因為呢度有超大個廚房！我眼見都成10個壽司師傅係度！我中意呢度啲油甘魚，好香可的甘味，係魚油味！賣相色澤又靚，邊位係血紅色架！另外呢度有種特別既刺身，章紅魚薄必伴柚子酢，章紅魚本身無乜味，但係加左柚子就精彩左好多！廚師的確切到好薄，柚子味就吸收晒，增加左章紅魚既味道，係清新既柚子味，難怪要分開放∼
壽司都係一般放題啲壽司，蔥花吞拿魚腩海膽我比較中意，海膽同吞拿魚各司其職，大家都唔會搶大家既味！火灸左口邊都極正，可能因為火灸，令左口魚變得薄身，做到入口即融！日式炒雜菇：炒得幾香，但咸左d，牛油粟米簡直無得輸！夠甜又夠大，但建議唔好好似我咁咁早叫，因為好頂胃，食完都飽左啲！白酒煙肉煮青口，白酒太多了嗎？覺得有d咸，但就好夠味，好入味！紅酒燴牛舌就堅係出色，先有濃濃既紅酒味，而且啲汁係杰的不是稀稀，牛舌好淋，軟軟地，咬時一咬就散開，連入面都充滿紅酒味架！
壽喜牛肉鍋，平時我食放題好少食鍋架，但係今次見到好想食，就試試，嘩，個湯底拍得住d牛X咁濃味！鍋內有菜，肥牛，冬菇，豆腐，如果加碗白飯就Perfect！可以撈汁XD！食到尾尾再叫埋雪條先，細佬就出去再攞沙律！上菜快，店員又會主動收碟，大大力讀呀要！下次老爺生日我識路啦！
Post
