Video
Read full review
2022-05-30
116 views
帶小姨甥女去擦翻餐Happy下🥳小朋友最鍾意有得食之餘又有得玩～去依間炑八韓烤親子餐廳真係啱晒🥳 除咗可以滿足大人想食靚燒肉嘅願望，仲好照顧小朋友💗入面有Playroom可以任玩，仲有「韓服體驗」，俾小朋友著住韓服影下靚相。裝潢都好特別！一間間韓屋好有韓Feel！我哋星期五晚嚟到，好有人氣又熱鬧，氣氛滿滿👍🏼而大卡位，我哋都坐得好舒服。晚市小童入場費$158/位，會包咗1份自選兒童餐。成人就不設入場費，則設最低消費$150/位。（而平日4-6pm 設有優惠時段）🔶 我們的燒肉時光套餐肉類都放晒上去牛牛🐮模樣嘅木砧板上面，排得靚靚好養眼！包括有：蔥蒜牛五花丶牛小排丶大件澳洲和牛肩肉丶牛舌丶大蝦丶彥陽牛肉。個餐主要係牛～款款都好滿意～特別鐘意牛小排同埋大件澳洲和牛肩肉，牛味濃郁又嫩滑。而燒肉鍋旁邊仲加咗芝士粟米🌽同埋蛋漿～慢慢煮熟之後，兩樣都好食。韓式前菜共有4款，食完可以免費無限量補充🥳泡菜辣度十足！最鍾意食海帶～甜美爽口又解膩。餐入面仲有一份無骨炸雞薯條，雞肉鮮嫩，炸得香脆惹味 ，大人小朋友都鍾意👍🏼套餐仲包埋胡麻醬新鮮沙律菜，另外仲有生菜丶生蒜片丶燒肉醬汁⋯可以作韓式食法，用生菜包住
裝潢都好特別！一間間韓屋好有韓Feel！我哋星期五晚嚟到，好有人氣又熱鬧，氣氛滿滿👍🏼而大卡位，我哋都坐得好舒服。
晚市小童入場費$158/位，會包咗1份自選兒童餐。成人就不設入場費，則設最低消費$150/位。（而平日4-6pm 設有優惠時段）
🔶 我們的燒肉時光套餐
肉類都放晒上去牛牛🐮模樣嘅木砧板上面，排得靚靚好養眼！包括有：蔥蒜牛五花丶牛小排丶大件澳洲和牛肩肉丶牛舌丶大蝦丶彥陽牛肉。個餐主要係牛～款款都好滿意～特別鐘意牛小排同埋大件澳洲和牛肩肉，牛味濃郁又嫩滑。
而燒肉鍋旁邊仲加咗芝士粟米🌽同埋蛋漿～慢慢煮熟之後，兩樣都好食。
韓式前菜共有4款，食完可以免費無限量補充🥳泡菜辣度十足！最鍾意食海帶～甜美爽口又解膩。
餐入面仲有一份無骨炸雞薯條，雞肉鮮嫩，炸得香脆惹味 ，大人小朋友都鍾意👍🏼
套餐仲包埋胡麻醬新鮮沙律菜，另外仲有生菜丶生蒜片丶燒肉醬汁⋯可以作韓式食法，用生菜包住燒肉嚟食😋
🔶兒童餐～
點咗蝸牛紫菜包飯丶企鵝泡泡浴，係專門為小朋友而設計嘅菜式🥳賣相真係超可愛！一個蝸牛造型，另一款係浴缸裏面嘅小企鵝，小朋友見到好開心，話要攞住嚟打卡👍🏼 2款都係飯糰為主，用料健康。
🔶飲品～ $48/每杯
食韓燒最緊要要有杯冰涼嘅飲品！皇牌士多啤梨乳酸梳打好正🥳好有士多啤梨香～而柚子檸檬梳打好清爽解膩。香橙乳酪都Good！沙冰口感夠晒透心涼～
小朋友食飽飽就入咗去playroom玩，入去前要消毒雙手👍🏼大人都可以入去陪玩。
我哋兩大一小，埋單大約$1100，大人食得好滿足🥳小朋友有得玩又好happy！走嘅時候仲有個金幣俾小朋友用來玩扭蛋機，扭1份小禮物帶返屋企。
Post
