炑八韓烤親子餐廳

Open Now

Now Closed

知道觀塘開咗間新嘅親子餐廳，緊係第一時間同bb去試吓新嘢！一入到去，已經見到小朋友最愛嘅波波池，旁邊就係用餐區。用餐區係充滿住韓式小屋feel。餐廳非常窩心，餐枱上已準備咗用餐必備嘅濕紙巾同較剪。另外仲有顏色筆同填色紙，可以比小朋友一路食一路玩。我哋今次order左個三人餐，燒肉拼盤入面有韓式LA骨牛扒，牛小排，牛臉肉，豬五花同梨汁雞肉。特別一讚，牛小排同牛臉肉入口刻溶。大朋友有前菜，小朋友都有前菜😂小朋友嘅前菜全部都係一啲健康嘅小零食同水果。愛心便當上嘅都係小朋友啱食嘅嘢。飯後bb已經急不及待試穿韓服，韓服方面餐廳只會提供2歲同5歲既size。入去玩樂區前，每位小朋友都需要除鞋，量體溫同為雙手消毒。玩樂區入面既玩具必定能滿足所有小朋友嘅慾望，包括有煮飯仔，化妝枱，積木區，仲有小朋友最愛嘅波波池。玩到咁上下，本身諗住order甜品，結束完美嘅一天，點知等咗半個鐘，侍應就同我地講話做冰沫個部機壞咗😭希望下次同朋友過嚟嘅時候，可以試到佢哋嘅甜品啦。