金凱小廚 (Closed)

晨早6:30係沙田收工，就拉埋老公試下呢度特色小店。「 $198 雞煲+火鍋任食任飲」! 7點幾已經滿晒座。有6串串燒可選，牛脊肉同牛柳粒最出色，其他都好好食，芝士生蠔還可以。雞煲有分大、中、小辣，芫茜友的梗係叫重芫茜。老公就我程度叫小辣，好惹味🤗 上菜巳經8成熟，再輕輕開火焗下炒下多幾分鐘就有得食。雞肉夠入味同好嫩滑！打邊爐湯底有花膠雞、沙爹、蕃茄薯仔。我哋要蕃茄薯仔，蕃茄足料，湯底好濃。最推介係牛肩胛，有牛味又有夠淋，人流夠上菜快，其他食物好似蚌片、牛栢葉都好新鮮。舖頭入面Waitress 姐姐個個都好有禮貌，抵食價錢有服務，有驚喜！座位、環境都乾淨闊落，超大滿足!