Video
Read full review
2016-06-25
1923 views
親切嘅oppa加美味嘅芝士排骨鍋上次睇電視介紹左呢種韓國最流行嘅芝士鍋，見到兩邊滿滿嘅芝士，好似又新奇又好玩甘樣，但係又唔知道邊到有得食。今日行過銅鑼灣見到呢間餐廳竟然有得食喎，拿拿聲上去食，好鬼開心。上到去見到裝修簡單整潔，我無記錯原身應該係日式餐廳，之前種感覺係好迫，又暗，食起嘢上嚟都有d唔舒服，但點知小小嘅裝修可以令成個感覺變化甘大，成個感覺舒服唒，食嘢都食得開心d。坐低先嚟兩杯飲品，一杯藍色特飲，味道就似雪碧，有塊檸檬吊下味，幾醒神。另一杯叫左柚子特飲，柚子味夠濃。入面仲有柚子肉，有嚼口。食物當然係我想試左好耐嘅芝士排骨，排骨數量係可以自選的，由5條開始，價錢各有不同，我就選左5條，因為見其他嘅份量超大嘅。終於嚟喇！果然好靚好大盤，圍邊有4格，有兩格裝住滿滿嘅芝士碎，一格是紫菜飯團，另一格係蕃茄仔。中間就係讓角排骨，再加年糕同腸仔。放低左盤嘢後，大概五分鐘就有好靚仔嘅oppa行過嚟，拒示範一下點樣食，原來係先夾起舊排骨，之後將旁邊已經溶左嘅芝士，卷丫卷丫！卷到成舊排骨外面都係芝士，甘樣食，又正又好味。排骨炆到好淋，再加上韓式甜辣醬，外圍再包住軟熟嘅芝士，正丫！我又自己試下先！大
上次睇電視介紹左呢種韓國最流行嘅芝士鍋，見到兩邊滿滿嘅芝士，好似又新奇又好玩甘樣，但係又唔知道邊到有得食。今日行過銅鑼灣見到呢間餐廳竟然有得食喎，拿拿聲上去食，好鬼開心。
上到去見到裝修簡單整潔，我無記錯原身應該係日式餐廳，之前種感覺係好迫，又暗，食起嘢上嚟都有d唔舒服，但點知小小嘅裝修可以令成個感覺變化甘大，成個感覺舒服唒，食嘢都食得開心d。
坐低先嚟兩杯飲品，一杯藍色特飲，味道就似雪碧，有塊檸檬吊下味，幾醒神。另一杯叫左柚子特飲，柚子味夠濃。入面仲有柚子肉，有嚼口。
食物當然係我想試左好耐嘅芝士排骨，排骨數量係可以自選的，由5條開始，價錢各有不同，我就選左5條，因為見其他嘅份量超大嘅。
終於嚟喇！果然好靚好大盤，圍邊有4格，有兩格裝住滿滿嘅芝士碎，一格是紫菜飯團，另一格係蕃茄仔。中間就係讓角排骨，再加年糕同腸仔。
放低左盤嘢後，大概五分鐘就有好靚仔嘅oppa行過嚟，拒示範一下點樣食，原來係先夾起舊排骨，之後將旁邊已經溶左嘅芝士，卷丫卷丫！卷到成舊排骨外面都係芝士，甘樣食，又正又好味。排骨炆到好淋，再加上韓式甜辣醬，外圍再包住軟熟嘅芝士，正丫！
我又自己試下先！大家睇下我包成點。。有無學滿師先，哈哈。其實好似唔係好難姐，不過最好有oppa整埋比我食喇^_^
另一個我選左個醬炆牛肉。真係超級超級大份，我估計起碼有一斤，完全係好抵食，女仔嘅話起碼4個人先可以食到一碟。
Oppa嘅悉心介紹，話係加左甜豉油喺邊邊嗰到吊下味。我覺得呢個鍋嘅原理有d似中式燉肉汁，中間放牛肉，當牛肉開始熟嘅時候會有d肉汁流出嚟，落唒個邊邊到，肉汁可以保留之外，仲可以有甜豉油調一下味道。果真係原汁原味。除左牛肉外邊邊仲有d薯粉，吸唒d鮮味，好好味！期待左甘耐想食嘅終於食到，而且仲係好美味，真係好興奮。不過提下大家唔好貪心，因為拒一份食物嘅份量係超大嘅，如果兩個人建議一份再加小食。想一次過食多幾款嘅就叫多幾個朋友喇哈哈
Post
