札幌拉麵 Miso No.1 (Closed)

同老公拍拖的時候己經好鍾意食呢間正宗的扎幌拉麵。雖然而家多佐好多出名的拉麵店，但對呢間拉麵店的情懷仍然不變。毎兩三月必會去食一次。有時去尖沙咀剪完髮，都會自己一個人去食。毎次都會坐係 Bar 枱，可以望住師父整拉麵。呢間拉麵店一直係一個日本老師父駐場。以前係㕑房幫手的員工，現今都變成拉麵師父。不過，水準仍然不變。另外，其他樓面員工都做佐好耐，好有親切感。以前我多數叫香䓤鹽味拉麵，近呢年受老公影響，轉佐鍾意食塝蟹麵鼓拉麵。清甜的塝蟹柳加上濃香麵鼓的湯底，另配上粟米及海帶，成個配搭好襯。而拉麵就好爽。唯一係個半邊蛋比較一段啲。不過，蔡 San 都推介呢隻拉麵架。另外，呢度的蝦餃子亦係必食之選。四個字「皮薄饀靚」。而且，外形重相當吸引。有相為證。豬潤炒韮菜係我其中一個喜好。豬潤炒得啱啱好（其實自己係屋企試個一樣的炒法，但豬潤好難炒得啱啱好，好易太生或太熟），熟得嚟又吾乾。加上蒜片，薑絲及韮菜一齊炒，好香好好味。不過可能因為近年啲嘢貴佐好多，份量亦相對以前少佐好多。