Hong Kong Burger (榮發工業大廈) (Closed)

親切漢堡小店小店位處九龍灣工商廈區每星期總有一次會行經個個位置 但係未有機會入去食今晚剛巧遲收工 所以特登行多一兩步過黎食一食呢度既burger坐低先發現 店內除左漢堡之外仲有意粉同埋其他小食選擇都幾多樣化我地每人叫左一個漢堡分別係日式和牛漢堡同埋BBQ手撕豬爆汁菠蘿漢堡包個人感覺 手撕豬比和牛漢堡更有特色 每啖手撕豬都有濃濃既BBQ醬汁再加一大片菠蘿 酸酸甜甜 相當開胃而和牛漢堡既漢堡扒非常大塊 但略略多左少少油 怕油膩既朋友可能要留意下另外小食方面 一口蒜蓉包非常特別日式海苔魷魚鬚 非常有特色 想叫小食既朋友我首選係魷魚鬚 另一個特別之處係 食burger唔一定要飲汽水小店飲品方面有冷泡茶呢個選擇有凍茶有熱茶 呢排凍凍地 所以我地都叫左熱茶 食完包你暖笠笠