一坐低，個客已經讚個環境舒服。叫嘢食都要有策略，先嚟個 鏞鏞手捲雪茄 做開場白。個造型真係似足支雪茄，即刻打開話匣子，個客覺得好新奇，食落其實係鵝肉絲春卷，夠脆口。
主菜梗係要叫招牌 燒鵝，皮香肉嫩，個客食得好滿意。另外叫咗個 鴛鴦遠年陳皮牛肉，同一時間可以食到兩款不同風格嘅牛肉，陳皮味好香，牛肉炒得有鑊氣，入口嫩滑，帶微微焦香，真心好味道。最後加嘅小籠包，皮薄多汁，湯汁好鮮甜，最緊要係一啖一粒，食得方便又唔失禮。
成餐飯個氣氛好好，環境夠靜，我哋傾個 Project details 都傾得好順利。最後個客好滿意，張單公司又 claim 到，Perfect。如果想搵個食得好又傾到計嘅地方，呢度係我呢期首選。
