度小月 (時代廣場) (Moved) New Location

其實都小月嚟咗香港之後呢我都食過幾次，銅鑼灣呢間就第一次嚟，原來入邊都幾多位同埋坐得幾舒服嘅。一坐低就比隔離枱放三杯雞嘅香味吸引左，所以我都叫返個三杯雞食，雞肉煲得好入味，都好有台灣嘅味道。由於俾佢個哈卷吸引左，呢啲除炸嘢係台灣嘅拿手小菜，而佢呢個蝦卷個外皮好特別，好似有一陣粟米嘅味道，忍唔住會食多咗幾條。當然唔少得擔仔麵啦，佢份量細細，可以比好多空位你食其他小菜，台灣嗰間係真係有人坐係個車仔上面煮，如果香港都有就好啦。非常欣賞呢個芋頭糕，望落去好似好紮實，但係其實食落去係好鬆軟，同埋面面嘅芋頭感覺真材實料，調味亦都唔會做得太假，係真材實料嘅芋頭蓉啊！櫻花蝦生菜。