大瀛喜日本料理 (Closed)

天氣咁悶熱，最好就係食放題，唔使獨沽一味咁悶。本來對食放題都冇咩特別期望，但同朋友食完之後發覺原來放題都可以好高質！基本上同朋友對呢度嘅刺身或者熟食都好滿意，刺身供應毫不吝嗇🐟，吞拿魚刺身雖然唔係入口即溶嗰種，但亦充滿油脂，入口香滑！赤背爽甜，🦐赤蝦夠大隻非常滿足！仲有鵝肝壽司，花之戀等唔同特色壽司選擇，咪睇佢每樣都細細份俾你，我就最鍾意咁樣一口一口嘅size，但presentation 同質素不減，等你可以試多啲其他唔同款式👍🏻！平時食放題好少食雞翼，但實在太好食，攪到我要encore!另外encore嘅仲有燒鰻魚💞！醬汁超好味！鰻魚燒得又香口，雖然唔係厚燒但都絕對唔係薄薄一片嗰種，又有光澤，yummy yummy!😆鐵板京蔥汁牛柳粒同黃金炒大蝦都令人食到耳仔郁！牛柳粒炒得夠晒鑊氣，入口軟淋有牛味💞！黃金炒大蝦外層痴滿金沙蛋黃，蝦🦐肉入口鮮甜彈實👍🏻仲有好多燒物，好似牛舌、海蝦、菠蘿等⋯款款都係咁好食！餐廳入口位有一大個前菜吧，任添任食，超吸方便！仲有自助汽水、啤酒飲品櫃同雪糕機，食一陣又出去行轉拎下嘢食又可以再食過😜呢度嘅食物選擇同其他放題舖一樣咁多款，但就真係質量取勝，而且八點半