三希樓 (荃灣廣場)

Open Now

Now Closed

麻辣口水雞🐔，雞肉嫩滑到誇張，麻辣醬汁香辣過癮，花椒嘅麻香同辣椒嘅火喉夾得天衣無縫，食到停唔下來🌶️！小蔥皮蛋豆腐🥚簡單但驚喜，豆腐滑嫩，皮蛋香濃，配上小蔥同醬汁，清新又開胃，解辣一流！酸菜魚🐟係另一亮點，魚片鮮嫩，酸菜湯底酸爽濃郁，辣得啱啱好，連湯汁都想飲晒！莧菜浸黃沙豬膶🥬好有心思，豬膶軟腍入味，莧菜清甜，湯汁鮮香，食落好似返咗老四川嘅感覺。甜品嗌咗雷沙湯丸🥮，外皮Q彈，內餡芝麻香濃，甜度適中，暖笠笠收尾好滿足！第一次食餐廳每一種辣都咁有心思又唔同程度嘅調配同層次，可見對食物嘅認真！！價錢唔算平，但係物有所值！