龍泉冰室 (Closed)

好耐無食過茶記我覺得茶記係一定要食菠蘿油點知比我發現呢間竟然有招牌菠蘿包，入面仲要有我最鍾意食嘅軟殼蟹，唔係唔試呀嗎？嚟到嘅時候真係一隻軟殼蟹喺入面，仲要有蛋沙律同埋芝士沙律菜，咁邪惡嘅嘢當然要即刻食。食落口軟殼蟹有肉食仲要有蟹膏，加埋醬汁嘅配搭，係特別過菠蘿油嘅。瑞士雞翼配沙律，唔知點解覺得茶記都係要食瑞士雞翼，純粹唔想咁熱氣所以唔揀薯條。沙律嘅份量其實都幾多下。簡菠蘿特飲嘅原因好簡單，因為我真係好鍾意食菠蘿，女人食多啲菠蘿好🤣 但係佢唔知係咪因為用罐頭開嘅原因感覺上偏甜，鍾意飲甜野嘅就會好鍾意飲呢杯野。