Video
Read full review
2019-03-27
1567 views
公司有位叔叔一日突然煞有介事拉我埋暗角，話介紹啲「好嘢」俾小妹我食。好！GOGOGO！專程搭港鐵去深水土步食lunch。試下呢間最出名既南乳豬手麵同馳名蛋牛治(烘底)。呢間實情係分店黎，我一路睇返啲食評，好似話冇本店優質。不過人都入咗黎，食啦講咁多嘢。茶餐廳格局，坐位尚算闊落。是日被安排坐大圓檯(搭檯)。首先上檯的是馳名蛋牛治(烘底)($20+$1)。雖然蛋牛治不算好熱，餡料又有點薄。但咬落居然有一下爆汁，射落我隻手度。呢個moment好正！牛肉咸咸地又恰到好處，不錯但未算好出色。我比較鍾意佢個南乳豬手麵($25)，份量大又足料，童叟無欺街坊價。但同行者批評豬手上的毛未清乾淨。(我嗰碗冇呢個問題)豬手肥美膠感十足，色水又靚又均勻，入口鬆化有回彈感。麵底亦彈牙，湯底清徹，南乳味不算太搶，濃淡滴中。暫時是我食過數一數二最好食的豬手麵。果然要相信饕餮多年的飲食經驗和真情推介啊！小插曲，見到有位黑人客人入黎幫襯，店員馬上拎出英文menu，配合流利的英文有禮貌地解釋各道菜式，幫之落單。既有效率，服務亦令人喜出望外。另外叫咗杯紅豆冰($20)，正常貨色。椰汁冇結塊，及格，但我覺得味道稍甜。總結性價
話介紹啲「好嘢」俾小妹我食。
好！GOGOGO！
專程搭港鐵去深水土步食lunch。
試下呢間最出名既南乳豬手麵同馳名蛋牛治(烘底)。
呢間實情係分店黎，我一路睇返啲食評，好似話冇本店優質。不過人都入咗黎，食啦講咁多嘢。
茶餐廳格局，坐位尚算闊落。
是日被安排坐大圓檯(搭檯)。
首先上檯的是馳名蛋牛治(烘底)($20+$1)。
雖然蛋牛治不算好熱，餡料又有點薄。
但咬落居然有一下爆汁，射落我隻手度。呢個moment好正！
牛肉咸咸地又恰到好處，不錯但未算好出色。
我比較鍾意佢個南乳豬手麵($25)，份量大又足料，
童叟無欺街坊價。
但同行者批評豬手上的毛未清乾淨。(我嗰碗冇呢個問題)
豬手肥美膠感十足，色水又靚又均勻，入口鬆化有回彈感。
麵底亦彈牙，湯底清徹，南乳味不算太搶，濃淡滴中。
暫時是我食過數一數二最好食的豬手麵。
果然要相信饕餮多年的飲食經驗和真情推介啊！
小插曲，見到有位黑人客人入黎幫襯，
店員馬上拎出英文menu，配合流利的英文有禮貌地解釋各道菜式，
幫之落單。既有效率，服務亦令人喜出望外。
另外叫咗杯紅豆冰($20)，正常貨色。椰汁冇結塊，及格，但我覺得味道稍甜。
總結
性價比高，豬手麵推介，目測豬手撈都係正嘢，但撈會稍貴一點。
Post
