Tastefull Kitchen

同老人家11點去飲早茶，觀塘多間酒樓都要等位，呢間仲有位就揀呢間，點知有位原來係伏!

叫左鮮蝦腸，蝦餃拼什菌餃，黑金流心奶黃包，欖仁馬拉糕，食物本身問題不大，不至驚豔，但尚算正常。

但服務認真麻麻，職員推車經常撞到食客嘅枱同凳，無論推點心阿姐定係收碗碟推住一大盤污糟碗碟嘅阿姐，都有意無意的用車撞向有食客嘅枱邊或者凳背，我枱俾撞3次，亦見旁邊枱被撞2次，其實枱與枱之間有足夠空間位置俾佢地過，唔明點解仲係會不斷發生食物再好食都令人唔想坐落去，同埋呢個價錢喺觀塘絕對有更好嘅選擇。