壽司郎 (Closed)

呢間壽司過江龍大家都知啦，最近仲要越開越多分店，究竟係咪真係咁抵食呢。其實真係堂食係又抵又好食嘅，例如通常每間分店新開張都有$12拖羅食，而仲有一款我好鍾意食嘅就係$12左口魚，入口即溶真係好正。總括咁多壽司，我覺得係軍艦嘅壽司表現一般，其他刺身類嘅都好食，炙燒咗既都超好飽，同埋呢個質素來講性價比都幾高。我同友人兩個人嚟食嘅話，通常三百幾蚊都可以食到好飽。不過呢間餐廳我試過Walk in，唔好彩嘅話真係等幾個鐘先有得食，或者就用app早兩個月前預約。係呀你冇聽錯，係要早兩個月前預約，其實我覺得呢個機制唔係咁好，你想食嗰樣嘢都唔希望兩個月之後先食到啦，好彩嘅話你都可以Walk in，都見到有食評話如果早去到嘅話唔使等位。