「火焰醬香椰子雞鍋」跟油飯
侍應姐姐倒了酒在煲蓋面，然後點火，火焰圍繞蓋上燒了一會便自動熄。旁邊還有個漏斗計時，流完便可進食，煲底有小底火，邊食邊熱住。
椰子湯很清甜，應該加了椰青水，還有椰青肉與杞子，雞件滲了酒香與椰香，仍食到雞味，襯嫩滑食，煲耐了肉會嚡口，蘸點新鮮沙薑粒及少許醬汁，好味道。
「油飯」少少香，飯不會過軟或過硬，食晒！
跟餐追加「小食併盤」
辣魚餅、原隻蝦春卷，豬肉棒、炸雞翼、炸雞槌，整體這盤併盤不錯，尤其雞翼與雞搥，煮雞的確出息！哈哈！
跟餐升級「開心果椰子奶昔」
開心果打溶晒，椰汁香濃，襯凍飲，濃稠一點更好。
「娘惹咖哩牛筋腩飯」
煲仔上，咖喱汁香又足夠，濃稠度適中，椰子味與咖喱味做到平衡，牛筋腍滑，牛腩有嚼勁，薯角唔會太大嚿，不錯。
加了$5「轉烤餅」
熱辣辣時蘸點咖喱汁，得確無得輸。
跟餐升級「椰青」
近來頗熱氣，用來解熱，清甜無添加，椰肉嫩，非常正！
「咖央牛油多士」
熱辣辣香脆多士令牛油正溶化，配香甜咖央，現在還想再食！
