都排隊排哂長龍咁，真係隨隨便便都要等45分鐘先有位。
咁都好啲，呢個係派籌形式咁去入座。
我同屋企人都排咗差唔多 45分鐘先入到（可能 4人位比較難入座，2人檯會快小小但都要 30分鐘），
入到去，白飯 / 沙律 / 牛舌湯 係放題嘅，所以 你只要叫一個餐就點食都會飽。
因為原理係，會燒熱個塊石，同埋會放一塊 3成熟左右嘅牛肉上塊石板度。
咁樣做會令牛扒個外皮 不斷加熱變成「焦燒」、「柴皮」。
***其實要切開一片片嘅牛肉片，然後慢慢放上石板上燒先係正確食法。
飯係日本米煮，幾好食。配牛排係唔錯嘅選擇。
佢白飯上有紫菜可以加，都係放題嘅。
沙律有幾款醬汁，
牛舌湯都好足料唔淡口嘅。
咁我叫咗塊牛肩扒US Prime，唔貴 $110 左右 200g。唔算太靭，有肉味嘅。
建議第一次都係食啲平嘢去感受下個質素先。
再幫襯就叫貴小小嘅order.
