又一泰 (Closed)

環境舒適，由於位處荷里活道Soho區，遠離寫字樓區域，午市唔算太多人。前菜有三款選擇，豬肉生菜包，素菜春捲同是日餐湯。豬肉生菜包同素菜春捲味道都唔錯，而且份量不少。主菜都有三款，咖哩太甜，冇咗泰式咖哩應有的辣味，唔推薦。金不換炒免治牛肉或雞肉，朋友點咗，賣相一般，而且似碟頭飯，唔抵食。唯一推薦係炒金邊粉，試過虎蝦炒金邊粉，亦試過什菜炒金邊粉，虎蝦肉質彈牙，但size 好細，而且得兩隻，反而什菜炒金邊粉比想像好味，而且由於什菜份量多，令成個金邊粉更加豐富。飲品推薦lime soda, 解渴且解膩。