純白design加穿透直紋窗戶既暖暖陽光
有一種置身喺台灣既感覺( ´▽｀)～
▪️溫飽全日早餐 $128
第一次見有bagel揀既ADB
最impress係竟然有Parma ham😱！
牛油果有足足大半個而且熟度仲剛剛好添
呢個ADB CP值幾高\(≧▽≦)/！
▪️慢煮雞胸配白汁蒜香忌廉汁意大利粉 $108
慢煮雞胸真係好滑😍又健康
不過份量就比較少 同埋醃得偏鹹
相反個意粉就相對較淡( ･᷄ὢ･᷅ )
而且都多油同埋有啲濟
睇嚟意粉要落多啲苦功🤣
▪️Dirty $45
係偏苦口味既豆 所以小編麻麻哋
.
總括嚟講主食方面有進步空間
而且食到尾有隻煩膠烏蠅係咁飛來飛去
食物方面隔壁既NN coffee真係出色好多
當然 新舖營業 未免有啲水準不穩
不過店員服務態度極佳👍🏻值得一讚
希望有機會再去既話會有所改善啦😆加油！
