勝記海鮮酒家

Open Now

Now Closed

入西貢食海鮮，三大米芝蓮酒家勝記、全記、六福。環境最乾淨、招呼最周到一定係勝記，佢唯一缺點係餐牌以外海鮮選擇唔多，自家魚缸冇乜海鮮揀。入得西貢小弟一定會去買海鮮到酒家加工，唔會食酒家嘅套餐，最方便、最近嘅地方就係去西貢街市或者碼頭艇仔買海鮮。一來新鮮，二來食咩海鮮可以自己揀。勝記蒸魚嘅功夫一流，當日帶咗條三斤半白瓜子斑去，師傅蒸到條魚啱啱熟，完全冇令條魚浪費。休漁期過後油蝦當做，手掌咁大隻蝦亦都冇over cook，可以見到師傅功力。龍蝦、聖子、賴尿蝦呢啲基本嘢亦都難唔到師傅。蒜蓉炒白菜仔加咗雞油，一流。反而係個企鵝燒春雞名過於實，唔建議大家叫。之後有機會再同大家講吓全記同六福。