好拍檔美食 (Closed)

好拍檔美食話說經常係西灣河嘅我,太安樓之美食其實最好食嘅,我只係覺得賣仙草凍嘅係最正,其他就普通啦🤗查實除左太安樓之外,我都好欣賞係巷仔嘅好拍檔美食,話說食過隻生炸雞脾之後,已經愛上左,外脆裡面好juicy仲要賣$20就有大大隻,一個月點肥都要去食一隻😂最近老闆推出燒海鮮,因為老闆係做開中菜出身,一星期有四日都會親自去海鮮市場拎貨,唔傾過計真係唔知老闆咁落力😳😳海鮮全部食過真係好新鮮,仲好食過酒樓但平過酒樓好多龍蝦,鮑魚,蟶子全部都好新鮮鮮甜!都加有蒜蓉好惹味。各位去太安樓之外都可以去下好呢間串燒加海鮮嘅高質平價小店買個外賣/同朋友吹下水之選!味道:5/5抵食:4/5服務:4/5