西樹泡芙 (朗豪坊)

Open Now

Now Closed

今次西樹泡芙真係放大招！新推出嘅「好立克熔岩麻薯泡芙」簡直係童年回憶+邪惡甜點嘅完美混合體～😍 一咬落去，朱古力曲奇殼脆到「咔嚓」聲，入面注滿濃郁好立克忌廉同朱古力好立克醬，仲要係流心級別！最過分係頂層嗰塊Q彈麻薯，一拉開竟然有朱古力忌廉+朱古力流心餡雙重暴擊⋯⋯熱量？唔該唔好提！🤣 好立克香氣超足，甜度剛剛好，麻薯煙韌口感加流心真係無得輸～同場加映夏日清爽系口味✨🥭 芒果乳酪泡芙芒果控必試！乳酪忌廉酸甜輕盈，配住新鮮芒果果肉，食落似芒果慕斯+泡芙版乳酪杯，夏天食超refreshing～🍓 士多啤梨乳酪泡芙士多啤梨乳酪泡芙少女心爆發💖！士多啤梨乳酪餡帶微酸果香，仲有粒粒果肉，口感層次爆棚，怕膩嘅朋友可以揀呢款！