Video
Read full review
2017-08-30
81 views
下晝喺旺角行街行到身水身汗，想搵間靚靚地嘅cafe坐低同朋友傾下計💬誤打誤撞行咗入嚟呢間貌似新開嘅cafe～其實未入去之前已經比佢嘅門口吸引咗，因為如果唔話俾你聽呢度係邊，係完全唔會諗到自己正在身處旺角😆入到餐廳後，裝修簡約得來又不失格調，淡黃色嘅燈光比人一種好舒服嘅感覺。可能我哋去個陣咁啱係四點左右，人流唔算太多，但正正係比我哋tea嘅好時機✌🏻望一望個menu先，有tea set，而且價錢合理！我同朋友叫咗三個set一齊share食😋先來嘅係「黑松露薯條($58)」🍟嘩～～～大碟到堆滿成個碟！又粗又熱辣辣嘅薯條上面嘅一小撮芝士粉除咗點綴一下個賣相之餘，亦令薯條嘅鹹味提升，更加好味！🧀但唔好忘記要點佢側邊嘅黑松露沙律醬，無錯，係黑松露沙律醬，入面真係有黑松露(看下圖)！雙重黑松露簡直係將成個薯條昇華到另一個層次！值得一讚嘅係，佢個醬係凍的❄️🤤之後就係我叫嘅「黑松露巴馬火腿班尼迪克蛋多士($68)」🍳又係黑松露了，但今次主角唔係佢！烘到表面有少少脆嘅多士上面放咗一大塊巴馬火腿，(我好鍾意食巴馬火腿，所以完全係心心眼😍)巴馬火腿上面有淋咗蛋黃醬嘅benedict egg～我無將佢哋切開，
想搵間靚靚地嘅cafe坐低同朋友傾下計💬
誤打誤撞行咗入嚟呢間貌似新開嘅cafe～
其實未入去之前已經比佢嘅門口吸引咗，
因為如果唔話俾你聽呢度係邊，係完全唔會諗到自己正在身處旺角😆
入到餐廳後，
裝修簡約得來又不失格調，淡黃色嘅燈光比人一種好舒服嘅感覺。
可能我哋去個陣咁啱係四點左右，人流唔算太多，
但正正係比我哋tea嘅好時機✌🏻
望一望個menu先，有tea set，而且價錢合理！
我同朋友叫咗三個set一齊share食😋
先來嘅係「黑松露薯條($58)」🍟
嘩～～～大碟到堆滿成個碟！
又粗又熱辣辣嘅薯條上面嘅一小撮芝士粉除咗點綴一下個賣相之餘，
亦令薯條嘅鹹味提升，更加好味！🧀
但唔好忘記要點佢側邊嘅黑松露沙律醬，無錯，係黑松露沙律醬，入面真係有黑松露(看下圖)！
雙重黑松露簡直係將成個薯條昇華到另一個層次！
值得一讚嘅係，佢個醬係凍的❄️🤤
之後就係我叫嘅「黑松露巴馬火腿班尼迪克蛋多士($68)」🍳
又係黑松露了，但今次主角唔係佢！
烘到表面有少少脆嘅多士上面放咗一大塊巴馬火腿，
(我好鍾意食巴馬火腿，所以完全係心心眼😍)
巴馬火腿上面有淋咗蛋黃醬嘅benedict egg～
我無將佢哋切開，反而係好似食pizza咁托起成舊嚟食～
巴馬火腿嘅咸味被個蛋同埋多士中和咗，
唔會太鹹，但又冇失去佢原本嘅味道～
呢個組合嘅口感同味道比起淨係得隻蛋更加好！😝
最後就係「野菌黑松露忌廉意大利燴飯($68)」🍛
再來都係黑松露呀哈哈～～
$68嘅黑松露飯到底靠唔靠得住？答案係：好得！👍🏼
每一啖飯嘅【飯：野菌：汁】嘅比例係【3：2：2】
能想像到個口感有幾豐富嗎？🤤
加上朋友係黑松露愛好者，佢食到一粒飯都無剩呀～😝
個人亦非常建議叫佢啲飲品試下，
普通叫一杯「熱朱古力(+$8)」竟然有拉花😚
好飲之餘，呃like都抵啦😎
Post
