唯有想食嘅都拎晒飛慢慢等啦
西佑最快 等咗15分鐘就入到
其實之前喺荃灣食過 覺幾好就再試 點知有D失望
一入到去都幾好坐 D位隔得都幾開
但張枱太細（叫咗2個餐再叫小食就擺唔落）
同朋友一人叫咗個餐再叫燒魷魚
自己叫咗石鍋泡菜飯 都幾失望
份量小 無論係飯定係餸 明明叫泡菜 點知得2－3塊
個飯又冇味道 個石鍋又唔熱 出面食碟炒飯好過！
杯野飲係提子味 好甜
朋友叫咗個石鍋蒜香海老帶子飯
同樣情況 冇味同份量少
但個燒魷魚都幾正 算係幾好
好香 小小脆點埋個醬幾好味
仲有一樣好就係服務好 叫水有水
加上個餐有沙律同湯 叫做彌補下個飯嘅不足啦
上次食燒肉明明幾好味
下次黎一定唔叫石鍋飯！
