潮丸 (Closed)

今日經過尖東 突然想食返啲傳統嘢 我好想食既就係牛腩撈麵啦 見到呢間潮丸 係食新派嘅粉麵嘅 所以就入咗去 裝修都幾靚 有啲木 而且又有卡位 坐得夠舒服 叫咗個 招牌崩沙腩撈麵 喺呢度嘅招牌菜 崩沙腩炆得夠淋 夠晒入味 而且肥瘦相隔 非常軟滑 口感十足 牛味好濃郁 個面底值得一讚 係用左幼身全蛋麵去做 完全冇鹼水味 夠爽口彈牙 係完全冇其他粉麵店食嘅油膩感 夠曬健康 撈麵汁係用咗牛腩汁去撈 唔係普通豉油同鹵水汁咁簡單 都夠曬特别 雖然比坊間粉麵店嘅味道淡口 但係啱曬新派香港人嘅口味 健康！仲叫咗個小食酥炸雲吞皇 雲吞大大粒 夠曬足料 仲有成五粒咁多 粒粒好似乒乓波咁大 入面有蝦鮮肉 豬肉 等等 再點埋泰式辣醬 味道超正 夠曬香口