呢間勁難book，剛開業嘅時候打電話去，週末基本上要早一個月先有位🥺依家開咗差唔多半年，大家都要預起碼早兩三星期訂位😀
今次好彩排waiting list都有位！用餐時間冇限時的，呢點幾好，可以坐成晚同朋友chicchat!
韓燒店舖來講裝修好靚，成個感覺好似grand ! 真心好似江南區嘅高級燒肉店，同香港一般嘅燒肉店唔一樣！
就叫咗佢個推介Set $420@per head ，再叫咗支紅酒，紅酒配牛肉真係good fit👏🏻
其實佢叫自己做燒肉廚師發板，其實嚟到啲肉都係自己燒🤣🤣同埋冇廚師發板嘅成份😂少呢度就真係要扣分啦
不過整體裝修環境都好靚，好適合一班女仔嚟嘆下紅酒再食燒肉，抽風系統都尚可！
燒肉質素就唔算特別出色，價錢其實應該都係食佢個環境，當然加錢食其他高級韓牛嘅話會更加好😂
所有上菜嘅setting都好靚，餐具同菜式嘅擺位都靚！肉嘅質素同一般韓國街燒肉店冇分別！個套餐望落去好少嘢食，不過其實食完都好飽下🙈🙈
要注意嘅係，呢度真係fine dining 😂😂上菜速度係奇慢！可以食足三個鐘，同埋店員好多都唔熟手咁，開左成半年，呢個情況比較少有，可以改善一下！
***真金白銀自費付款嚟食！
兩個人埋單大約$1400 ，結論係俾錢食佢個環境，個人覺得都值得來一試，始終香港第一間高級韓式燒肉店，但千祈唔好有太大期望！
————————————————————————
貊炙 (灣仔)
灣仔港灣道30號新鴻基中心1樓104, 104A, 105A 及 106-108號舖
