至於講到食晚飯，見佢餐牌 A+B+C 配搭，即係一個湯，一個冷盤，再加一個小菜，二百幾鬆啲都算合理。不過我就唔太喜好濃味食物，所以單丁咁叫清清地三個人分別就試咗「魚腐竹笙，獅子頭，上海粗炒，回鍋肉」呢四味。
「魚腐竹笙」
簡單得嚟有魚湯味，竹笙又夠清爽，係我最當晚鍾意嘅一道菜。
「獅子頭」
芡汁唔會過鹹，獅子頭亦唔會鬆散，整體都算滿意。
「上海粗炒」(忘記影相)
正常上海粗炒，有蝦仁有肉片，碟頭都算大碟，而味道剛好。
「回鍋肉」
肉片肥瘦適中有趙頭，都係唔會整得太濃味，自己都喜愛。
總括嚟講各款味道算幾好，食完起碼冇覺得口渴。之不過要立足喺大角咀，呢個夜市比較難做嘅小區，我覺得每間食店總需要宣傳幾道「撚手小菜」先可以吸引到人注意。我覺得不妨跳出一般上海菜嘅框架，試下融入某些「手功菜」作招來突圍而出，相信會畀食客有更多新鮮感。期待下次午市嗰陣再嚟試佢啲餐
