緣聚西日餐廳 (仁愛堂圍) (Closed)

同男友去左屯門市中心行街，行完見到附近有新開放題餐廳，就去左試下～地方好大好寬敞，裝修又幾特別，好多模型公仔～不過坐左15mins 到就滿座，我諗去前book 定位會比較好。呢到係用ipad 落單有埋圖片好方便，又準確，無漏單～而且食物種類都幾多，刺身、壽司、打邊爐、炸物、燒物等等。仲可以加$118 升級任食生蠔同松葉蟹腳～所有野都係以一件去落單，可以因應個人需要點，無甘易食淨浪費。呢到仲好窩心，枱底有電話差電線，可以邊食邊差電。刺身都幾新鮮，最like八爪魚，幾鮮甜。估唔到放題都有黑松露三文魚壽司，仲有迷你版花之戀，唔會食完壽司就食唔落其他野，不過個人比較喜歡食火炙系列。熟食方面選擇都好多，焗蠔有蒜香同芝士兩種，芝士味好香濃，芝麻雞翼好香口，紫蕃薯天婦羅唔算多炸粉又甜甜地。我地仲點左個韓式豬骨湯底打邊爐，個味就好似平時食韓式泡麵既湯底，酸酸甜甜甘。岩哂想食放題又想打埋邊爐既朋友～另外佢仲有自助飲品同甜品位，有紙包同罐裝飲品可以自己去拎，如果唔想飲呢d 仲有得order 餐飲，例如檸茶，奶茶，柚子蜜等，甜品方面呢到有好多唔同既雪糕雪條選擇。