麗香園冰室 (興華廣場) (Closed)

呢度裝修得好有心思，有舊時既感覺而。食物質素好高，所以長期爆滿!金磚風沙豆腐份量好多而且炸到外脆內軟，面頭既蒜粉勁濃味所以加埋一齊食岩岩好，唔會太熱氣。咕嚕肉本身有炸過先再炒，所以係會有炒炒脆口而個甜酸汁亦都調味適中，送飯一流!揚州炒飯好經典但又唔簡單既炒飯，呢度好足料，有叉燒，蝦仁連埋生菜絲，好夠鑊氣而個飯炒到粒粒分明又唔會太油!焗豬扒飯呢度既焗豬扒飯比起一般既大份，豬扒真係好厚切而好香濃既豬味，唔係落左鬆肉粉咁冇哂味。而個飯又炒過，加埋菠羅同茄汁一齊食好正!