Hong Kong Cuisine

餐廳裝修後第一次再幫趁，入到去完全改頭換面！成個餐廳嘅感覺都升晒呢！以前有好多菜式都不見了，換來的全是驚喜！款款菜式睇個名都好特別，實在唔知試乜好，唯有找服務員幫手，見返好多相熟的面孔，好有親切感最後大家商量後就揀咗個Executive Lunch嚟試吓先！

今日試吓呢個set先！

菜式同以前完全唔同，好似食西餐咁，所有菜式都係位上，加入咗一啲西餐嘅元素，又有埋wine pairing, 中菜嘅 fine dining又多一個選擇！下次要試埋個晚餐先得！

新午市餐牌，絨面好靚❤️

肉質好軟有肉汁，冇肥膏啱晒減肥中嘅我，陳皮味唔算太濃我本身唔鐘意果皮味嘅都食到！

1

一上菜已被黑松露嘅香味深深吸引住，入面仲要有鵝肝認真不得了！必食！

燒賣個面果啲瑤柱碎炸過好香脆，仲有專人係你面前添加乾瑤柱油，成件事好高級。素餃好特別。小籠包保持水準。

個包新鮮熱辣有我最愛嘅墨西哥皮面仲要入面嘅水牛奶奶味香濃，好食到冇得頂！明蝦角皮薄脆口蝦夠彈牙，重要有個出面食唔到嘅蝦沙律醬，好香蝦味好好味😋

1

個魚湯夠濃夠鮮，斑片好滑，個麵質夠爽有咬口

1

第一次食好特別嘅甜品！上面係好似用豆奶打咗嘅泡泡中間又有個豆腐雪糕，個底仲有豆腐花！個面配咗啲脆脆真係好清新好好味😋