Dazzling Cafe (The ONE) (Closed)

上網睇到呢度新裝修咗所以就突登黎打下卡順便晚飯。一黎到見到好多粉紅色已經心心眼，充滿少女味。除左環境靚之外，食物都一樣咗靚，部份店員係台灣人，好有禮貌，仲好用心咁教我地點樣用手機點餐。Order左幾樣野試試100%現榨柳橙草莓汁 $55 - 一飲都飲得出係鮮榨果汁，好清新嘅味道，上層係士多啤梨，下層係橙汁，加埋一齊都絕對冇違和感。佛羅倫斯花枝干貝麵 $98 - 帶子大大粒，彈牙有咬口。意粉好濃味，整體味道不錯。經典蜜糖吐司 $88 - 金黃色嘅吐司粒又脆又鬆軟，每粒都卜卜脆，加埋吉士醬同香滑嘅雲尼拿雪糕，甜度適中裝修後既食物水準依然保持不錯👍🏻值得一讚