昼月

Open Now

Now Closed

自從世貿開始裝修，少咗人行去銅鑼灣SOGO後方。其實呢幾年世貿旁邊有幢新大廈，晚上外牆着住LED燈，圖案係有人仔行路，所以都幾搶眼。今日入到寫字樓上電梯兩層，就見到日本菜，門口寫住兩小時任sake。裝修好日系，用深藍色布和淺木色襯托，枱與枱之間好友距離，可以舒舒服服傾一整晚偈。Menu有串燒，玉子丼，湯烏冬，刺身，天婦羅等。sake款式起碼有7-8，大部份都易入口，米味香。雞肉玉子丼好吸引，有塊厚厚嘅雞肉餅，下面係3 cm嘅玉子燒，最頂加上生雞蛋配埋燒汁，影相都好有美感。串燒牛舌心，雞中翼都好脆口。甜品係牛角包窩夫加小丸子同綠茶雪糕，綠茶味濃郁。