熨烤達人 (Closed)

上星期同老婆喺荷里活廣場，行街、買衫、睇戲 ， 順便梗係要食埋飯啦！呢個商場有樣好， 唔算太大但係一應俱全，經過呢間熨烤達人，應該係韓式燒烤，外面見佢裝修佈置都好有特色，就吸引到我哋入去試下了！盾牌做menu， 熨斗黎燒烤，真係幾得意，而且選擇亦很豐富！轉頭五花腩喺度嘅招牌菜，我哋當然要試下啦！服務員很細心，主動幫我哋燒烤，之後仲逐件 剪開細細件，放在烤爐旁邊，待我們逐件加熱嚟食， 服務好細心， 呢類型嘅五花腩，我最喜歡將脂肪部分 overheat，迫出曬多餘嘅油脂，入口真係仲同燒和牛一樣咁香，入口完全唔會感覺到食緊肥豬肉！油脂喺口腔回甘味很濃，呢個真係要必試！多款韓式前菜，我尤其喜歡係酸蘿蔔！之後服務員幫我們換上日式嘅網紋， 準備燒牛肉， 特級雪花牛 脂肪均勻，牛肉味道 濃厚！呢度除咗佈置幾得意之外，仲可以畀你喺爐邊 倒入蛋漿，芝士，粟米粒，十分過癮！