Video
Read full review
2024-08-28
168 views
呢排返工好忙，人事方面又勞氣，最好搵同事一齊食lunch互相邊食邊呻😝我哋喺元朗教育路見到呢間西餐廳，裝修望落幾靚幾型格。佢menu都幾特別，係帶點日式+西式的fusion菜。我叫了set lunch，有前菜、麵包及主菜，另外飲品有半價優惠。前菜有得揀餐湯或沙律，我揀咗沙律。沙律係北寄貝沙律。有一塊北寄貝及胡麻汁伴生菜及火箭菜。北寄貝都算新鮮嘅，但如果有多一兩塊就更好啦😆 主菜係日本薩摩雞丸伴牛油果香草檸檬忌廉汁意粉。佢啲意粉係手工製，幾煙靭。個汁醬幾香牛油果味，都幾creamy，意粉可以掛到汁，都唔錯。至於雞丸都幾淋，正正常常無咩特別。我加咗杯飲品，係熱嘅Matcha chocolate，有好香濃嘅抹茶味！因為有朱古力嘅甜味，所以掩蓋咗少少抹茶嘅苦味，我覺得幾好飲👍🏻
我哋喺元朗教育路見到呢間西餐廳，裝修望落幾靚幾型格。佢menu都幾特別，係帶點日式+西式的fusion菜。
我叫了set lunch，有前菜、麵包及主菜，另外飲品有半價優惠。
前菜有得揀餐湯或沙律，我揀咗沙律。沙律係北寄貝沙律。有一塊北寄貝及胡麻汁伴生菜及火箭菜。北寄貝都算新鮮嘅，但如果有多一兩塊就更好啦😆
主菜係日本薩摩雞丸伴牛油果香草檸檬忌廉汁意粉。佢啲意粉係手工製，幾煙靭。
個汁醬幾香牛油果味，都幾creamy，意粉可以掛到汁，都唔錯。
至於雞丸都幾淋，正正常常無咩特別。
我加咗杯飲品，係熱嘅Matcha chocolate，有好香濃嘅抹茶味！因為有朱古力嘅甜味，所以掩蓋咗少少抹茶嘅苦味，我覺得幾好飲👍🏻
Post
