Video
Read full review
2020-03-08
38 views
今日收工黎佐敦，搵到呢間裝修亮麗嘅東南亞菜叫南洋。我地兩個人食左以下：田園什菜米紙卷（$50）米紙卷個皮幾薄， 煙煙韌韌，入面包住多款蔬菜，點埋酸酸甜甜嘅醬，既清新又健康。炭燒豬頸肉（$68）豬頸肉爽嫩，我地都好鍾意，啖啖肉，脂肪比例唔錯，炭燒味十足。雞腳肉骨茶（$48）個南洋雞腳肉骨茶同新加坡嘅肉骨茶唔同煮法，呢個肉骨茶唔係用胡椒煮，而主要係用蒜頭煮嘅，食落有好香嘅藥材味。啲雞腳如果可以煮稔啲就更加好。食咗一陣，我覺得成個人暖曬，冬天黎食一流。越式炒金邊粉（$88）用料有蝦、豬扒、蛋等等。呢個夠曬大份，兩個人食一定飽。味道同泰式甜甜地嘅唔同，味道較偏向鹹。呢度無加一，埋單$254，算幾抵食！
我地兩個人食左以下：田園什菜米紙卷（$50）
米紙卷個皮幾薄， 煙煙韌韌，入面包住多款蔬菜，點埋酸酸甜甜嘅醬，既清新又健康。
炭燒豬頸肉（$68）
豬頸肉爽嫩，我地都好鍾意，啖啖肉，脂肪比例唔錯，炭燒味十足。
雞腳肉骨茶（$48）
個南洋雞腳肉骨茶同新加坡嘅肉骨茶唔同煮法，呢個肉骨茶唔係用胡椒煮，而主要係用蒜頭煮嘅，食落有好香嘅藥材味。啲雞腳如果可以煮稔啲就更加好。食咗一陣，我覺得成個人暖曬，冬天黎食一流。
越式炒金邊粉（$88）
用料有蝦、豬扒、蛋等等。
呢個夠曬大份，兩個人食一定飽。
味道同泰式甜甜地嘅唔同，味道較偏向鹹。
呢度無加一，埋單$254，算幾抵食！
Post
